40M_ദൈവ കൃപയല്ലാതെ മറ്റൊന്നുമല്ല
Gen 47:7 യോസേഫ് തന്റെ അപ്പനായ യാക്കോബിനെയും അകത്തു കൊണ്ടുചെന്നു, അവനെ ഫറവോന്റെ സന്നിധിയിൽ നിർത്തി, യാക്കോബ് ഫറവോനെ അനുഗ്രഹിച്ചു.
8 ഫറവോൻ യാക്കോബിനോട്: എത്ര വയസ്സായി എന്നു ചോദിച്ചു.
9 യാക്കോബ് ഫറവോനോട്: എന്റെ പരദേശപ്രയാണത്തിന്റെ കാലം നൂറ്റിമുപ്പത് സംവത്സരം ആയിരിക്കുന്നു. എന്റെ ആയുഷ്കാലം ചുരുക്കവും കഷ്ടമുള്ളതും അത്രേ; എന്റെ പിതാക്കന്മാരുടെ പരദേശപ്രയാണമായ ആയുഷ്കാലത്തോളം എത്തിയിട്ടുമില്ല എന്നു പറഞ്ഞു.
10 യാക്കോബ് ഫറവോനെ പിന്നെയും അനുഗ്രഹിച്ചു ഫറവോന്റെ സന്നിധിയിൽനിന്നു പോയി.
സങ്കീ 119.54 ഞാൻ പരദേശിയായി പാർക്കുന്ന വീട്ടിൽ നിന്റെ ചട്ടങ്ങൾ എന്റെ കീർത്തനം ആകുന്നു.
സാൽവേഷൻ ആർമിയിലെ കേണൽ സാമുവൽ ലോഗൻ ബ്രെംഗലിനെ ഒരിക്കൽ ‘മഹാനായ കേണൽ ബ്രെംഗിൾ’ എന്ന് പരിചയപ്പെടുത്തി, അന്ന് രാത്രി അദ്ദേഹം തൻ്റെ ജേണലിൽ ഇങ്ങനെ എഴുതി: ‘അവരുടെ ദൃഷ്ടിയിൽ ഞാൻ വലിയവനാണെന്ന് തോന്നുന്നുവെങ്കിൽ, നീ ഇല്ലാതെ ഞാന് ഒന്നുമല്ലെന്ന് കാണുവാന് കർത്താവ് എന്നെ സഹായിക്കുന്ന കൃപയ്തായി ദൈവമേ നിന്നെ സ്തുതിക്കുന്നു. പക്ഷേ, അവൻ എന്നെ ഉപയോഗിക്കുകയാണെന്നും, ആ ജോലി പൂർത്തിയാക്കിയത് ഞാനല്ലെന്നും എനിക്ക് നല്ല ബോധ്യമുണ്ട്. കോടാലിക്ക് താൻ വെട്ടിയ മരങ്ങളിൽ അഭിമാനിക്കാനാവില്ല. മരം മുറിക്കുന്ന വ്യക്തിയില്ലാതെ അതിന് ഒന്നും ചെയ്യുവാൻ കഴികയില്ല. അവൻ അത് ഉണ്ടാക്കി, അവൻ അതിന് മൂർച്ചകൂട്ടി, അവൻ അത് ഉപയോഗിച്ചു, അവൻ അതിനെ വലിച്ചെറിയുന്ന നിമിഷം അത് ഉപയോഗശൂന്യമായ ഒരു പഴയ ഇരുമ്പ് കഷണം മാത്രമായി മാറുന്നു. ഓ, ഞാനീ സത്യം ഒരിക്കലും മറന്ന് പോകരുതേ.
യാക്കോബിന്റെ ജീവതത്തിന്റെ സായാനത്തില് ഈ മഹത്തായ സത്യം താന് മനസ്സിലാക്കി.
കനാനിലെ ക്ഷാമകാലത്ത് യാക്കോബും കുടുംബവും ഭക്ഷണത്തിന്നായി ബുദ്ധിമുട്ടുകയായിരുന്നു. മിസ്രയീമില് ഇനിയും ധാന്യം വിൽക്കാനുണ്ടെന്ന് കേട്ടപ്പോൾ യാക്കോബ് തൻ്റെ മക്കളെ ധാന്യം വാങ്ങാൻ മിസ്രായീമിലേക്ക് അയച്ചു. ഈ യാത്ര അവരുടെ മാനസാന്തരത്തിലേക്ക് നയിച്ചതായി നാം കണ്ടു. ഈ യാത്രയില് അവര് യിശ്മായേല്യര്ക്ക് 20 വെള്ളിക്കാശിന് വിറ്റുകളഞ്ഞ അവരുടെ സഹോദരനായ ജോസഫ് ജീവിച്ചിരിപ്പുണ്ടെന്ന് അവർ കണ്ടെത്തി. അതുമാത്രമല്ല, അവനിപ്പോൾ മിസ്രായീമിന്റെ അധിപതി ആയിരിക്കുന്നു. അവരെ നിരസിക്കുന്നതിനോ പ്രതികാരം ചെയ്യുന്നതിനോ പകരം യോസേഫ് ക്ഷാമകാലത്തുടനീളം അവർക്കുവേണ്ടി കരുതികൊള്ളാമെന്ന് വാഗ്ദാനം ചെയ്തു. അവരുടെ പിതാവിനെയും കുടുംബത്തെയും മിസ്രായീമിലേക്ക് കൊണ്ടുവരാൻ ആവശ്യമുള്ള രഥങ്ങളും ഭക്ഷണസാധനങ്ങളും അവരോടൊപ്പം അയച്ചു.
യാക്കോബിന് സമൃദ്ധമായ വസ്തുക്കളും കന്നുകാലികളും ഉണ്ടായിരുന്നു, എന്നാൽ രണ്ട് വർഷത്തെ ക്ഷാമത്താൽ അവ കുറഞ്ഞുപോയിരിക്കണം. മിസ്രായീമിൽ സ്ഥിരതാമസമാക്കുന്നതിന് മുമ്പ് മിസ്രയേമിന്റെ രാജാവായ ഫറവോനുമായി ഒരു കൂടികാഴ്ച ഒഴിച്ചുകൂടാനാവാത്തതായിരുന്നു. ഭൗമിക ഉയരത്തിൽ അവര് തമ്മില് യാതൊരു താരതമ്യവുമില്ല. ഈ ഘട്ടത്തിൽ തനിക്കും, കുടുമ്പത്തിന്നും, തന്റെ ആടുമാടുകള്ക്കും ഭക്ഷണത്തിന്നായി ധാന്യം ആവശ്യമുണ്ട്, അതേസമയം ഫറവോന്റെ കളപ്പുരകള് ധാന്യം കൊണ്ട് നിറഞ്ഞിരിക്കുന്നു. ഏകദേശം 72 പേരടങ്ങിയ ഒരു കുടുമ്പത്തിന്റെ നാഥന് മാത്രമാണ് താന്. ഇപ്പോള് ഒരു അഭയാർത്ഥിയാണ് മിസ്രായീമിലേക്ക് വന്നിരിക്കുന്നത്. എന്നാല് അറയപ്പെടുന്ന ലോകത്തില് പരന്ന് കിടക്കുന്ന മിസ്രയീം സാമ്രാജ്യം അടക്കിഭരിക്കുന്ന ഭരണാധികാരിയാണ് ഫറവോന്.
എന്നിരുന്നാലും യാക്കോബ് ഫറവോന്റെ മുമ്പില് അമ്പരന്നുപോയതായി കാണുന്നില്ല. ഫറവോന്റെ ചോദ്യത്തിന്ന് താഴ്മയോടെ തന്റെ സംഭവഭഹുലമായ തന്റെ ജീവിതത്തിലേക്ക് തിരിഞ്ഞു നോക്കി താന് ഉത്തരം പറയുന്നു. തന്റെ പരദേശപ്രയാണത്തിന് വര്ഷങ്ങള് ചുരുക്കവും കഷ്ടമുള്ളതും ആയിരുന്നു. തന്റെ പിതാക്കന്മാരായ അബ്രഹാമിന്റെയും, യിസഹാക്കിന്റെയും ജീവിതങ്ങളുമായി താരതമ്യം ചെയ്യുമ്പോള് അവ തീര്ച്ചയായും കഷ്ടങ്ങളും, ബുദ്ധിമുട്ടുകളും നിറഞ്ഞതായിരുന്നു. തന്റെ ജീവിതവുമായി തട്ടിച്ചു നോക്കുമ്പോള് യോസേഫും അനേക പ്രതിസന്ധികളിലൂടെ കടന്നു പോയതായി നാം കാണുന്നു. എന്നാല് അവയൊന്നും താന് തന്നെ വരുത്തിവെച്ചതായിരുന്നില്ല. എന്നാല് യാക്കോബിന്റെ ജീവിതത്തിലെ മിക്ക പ്രശ്നങ്ങളും താനെടുത്ത മോശമായ തീരുമാനങ്ങളാലും, തന്റെ അവിശ്വാസത്താലും വന്നു ഭവിച്ചതാണ്.
മാതാപിതാക്കള് തങ്ങളുടെ ഇഷ്ടപുത്രന്മാരോട് പക്ഷപാതത്തോടെ പെരുമാറിയിരുന്ന ഒരു കുടുമ്പത്തിലായിരുന്നു താന് ജനിച്ച് വളര്ന്നത്. ഒരു ബലഹീന നിമിഷത്തില് തന്റെ സഹോദരനായ യേശാവിന്റെ ജേഷ്ടാവകാശം ഒരു പാത്രം പായസം നല്കി താന് തട്ടിയെടുത്തു. അന്ധനായ തന്റെ പിതാവില് നിന്ന് തന്റെ ഇഷ്ടത്തിന്ന് വിപരീതമായി അനുഗ്രഹം പിടിച്ചു വാങ്ങി. അതു നിമിത്തം തനിക്ക് തന്റെ സ്വന്തഭവനം വിട്ട് ദൂരെ തന്റെ മാത്രസഹോദരന് ജീവിച്ചിരുന്ന പദ്ദന് അരാമില് പോയി ജീവിക്കേണ്ടി വന്നു. താനൊരു സ്ത്രീയെ സ്നേഹിച്ചു, എന്നാല് നാല് പേരെ ഭാര്യമാരായി സ്വീകരിക്കേണ്ടതായി വന്നു. ഇത് തന്റെ കുടുംബത്തില് നിരന്തരമായ വഴക്കിന്നും, അസൂയക്കും കാരണമായി തീര്ന്നു. തന്റെ മാതൃസഹോദരനായ ലാബാന് തന്റെ വിവാഹത്തോടുള്ള ബന്ധത്തില് തന്നെ വഞ്ചിച്ചു. തന്റെ പ്രതിഫലത്തോടുള്ള ബന്ധത്തില് തന്നെ വഞ്ചിക്കുവാന് അവന് ശ്രമിച്ചെങ്കിലും, ദൈവം അതിനുവദിച്ചില്ല.
ഒടുവിൽ അവൻ തൻ്റെ അമ്മായീയപ്പന്റെ അടുത്ത് നിന്ന് രഹസ്യമായി ഓടിപ്പോവുകയും, തന്നെ പിന്തുടര്ന്ന് വന്ന ലാബാന് അവനെ ഉപദ്രവിക്കുന്നതിൽ നിന്ന് ദൈവം തന്നോട് ഇടപെടേണ്ടിവന്നു. വഴിയില് വെച്ച് തന്റെ സഹോദരനായ യേശാവ് തന്നെ എതിരേറ്റു വരുന്നു എന്ന് കേള്ക്കുകയും, അവന് തന്നോട് പ്രതികാരം ചെയ്യുവാന് വരികയാണെന്ന് ചിന്തിച്ചു വളരെ ഭയചരികനാവുകയും ചെയ്തു. അവർ കണ്ടുമുട്ടുകയും സമാധാനപരമായി വേർപിരിയുകയും ചെയ്തെങ്കിലും, യാക്കോബ് തൻ്റെ പിതാവിൻ്റെ വീട്ടിലേക്ക് മടങ്ങുന്നതിന് പകരം ശേഖേമിൽ താമസമാക്കി. ശേഖേമിൽ, തൻ്റെ ഏക മകൾ ദീനാ ദ്രോഹിക്കപ്പെട്ടു. പ്രതികാരമായി അവൻ്റെ രണ്ട് ആൺമക്കൾ നഗരത്തിലെ പുരുഷന്മാരെ ഒക്കെയും കൂട്ടക്കൊല ചെയ്യുകയും അവരുടെ സ്ത്രീകളെ ബന്ദികളാക്കുകയും ചെയ്തു. ഇത് മൂലം ചുറ്റുമുള്ള കനാന്യർ തന്നോട് പ്രതികാരം ചെയ്യുമെന്ന് താന് ഭയപ്പെട്ടു. തന്റെ പ്രിയ പത്നിയായ റാഹേൽ ബെത്ലഹേമിലേക്കുള്ള യാത്രാമധ്യേ പ്രസവത്തിൽ മരണപ്പെട്ടു. അവൻ്റെ ആദ്യ മകൻ രൂബേൻ തൻ്റെ വെപ്പാട്ടികളിൽ ഒരാളുമായി അവിഹിതബന്ധത്തിൽ ഏർപ്പെട്ടു. അവൻ്റെ പ്രിയപ്പെട്ട മകൻ ജോസഫിനെ ഒരു ദിവസം കാണാതാവുകയും അവന് ഒരു വന്യജീവിയാല് പറിച്ചുകീറപ്പെട്ടവെന്ന് അനുമാനിക്കുകയും ചെയ്തു, എന്നിരുന്നാലും അവനെ യഥാർത്ഥത്തിൽ അവൻ്റെ സഹോദരന്മാർ വിറ്റതായിരുന്നു. യാക്കോബിൻ്റെ മക്കൾ ഏകദേശം 20 വർഷത്തോളം തങ്ങളുടെ കുറ്റകൃത്യം അവനില് നിന്ന് മറച്ചുവച്ചു. ഒടുവിൽ, അദ്ദേഹത്തിൻ്റെ കുടുംബത്തിൻ്റെ നിലനിൽപ്പിന് ഭീഷണിയായ ക്ഷാമം ഉണ്ടായി. ഈജിപ്തിലേക്കുള്ള ആദ്യ യാത്രയിൽ, അവൻ്റെ മക്കളുടെമേല് ചാരവൃത്തി ആരോപിച്ചു, തങ്ങൾ സത്യസന്ധരാണെന്ന് തെളിയിക്കുന്നതുവരെ ഒരാളെ ബന്ദിയാക്കി. ജോസഫിൻ്റെ ഇളയ സഹോദരൻ ബെഞ്ചമിനെ കൊണ്ടുവന്നാൽ മാത്രമേ അവർക്ക് മടങ്ങാൻ കഴിയൂ. ബെന്യാമിനെ ഈജിപ്തിലേക്ക് അയച്ചുകൊണ്ട് ബെന്യാമിൻ്റെ സുരക്ഷ അപകടത്തിലാക്കാൻ ജേക്കബ് നിർബന്ധിതനായി, അല്ലെങ്കിൽ അവൻ്റെ മുഴുവൻ കുടുംബവും പട്ടിണിയിലാകുമായിരുന്നു.എല്ലാം എനിക്ക് പ്രതികൂലമെന്ന് താനാസമയത്ത് പറയുകയുണ്ടായി . അതിനാൽ ഫറവോന്റെ മുമ്പില് തന്റെ ജീവിതത്തെക്കുറിച്ചുള്ള വിലയിരുത്തൽ ശരിയായിരുന്നു എന്ന് മനസ്സിലാക്കാം.
എന്നാൽ നമ്മെ അത്ഭുതപ്പെടുത്തുന്ന തരത്തിൽ, ദൈവജനം അബ്രഹാമിൻ്റെയോ യിസഹാക്കിൻ്റെയോ ജോസഫിൻ്റെയോ പേരല്ല. മറിച്ച് അവരെ യാക്കോബ് അല്ലെങ്കിൽ ഇസ്രായേൽ എന്നാണ് ദൈവം വിളിക്കുന്നത്. പരാജയങ്ങൾ, തെറ്റുകൾ, അവിശ്വാസം, മോശം തീരുമാനങ്ങൾ, ബലഹീനത, സ്വയം ഇച്ഛാശക്തി എന്നിവയാൽ ജേക്കബിൻ്റെ സ്വഭാവം മനുഷ്യ സ്വഭാവത്തെ പ്രതിഫലിപ്പിക്കുന്നു. ദൈവത്തിൻ്റെ മാത്രം അനുഗ്രഹം നേടുന്നതാണ് ജീവിതത്തില് ഏറ്റവും മൂല്യമുള്ളതെന്ന വിശ്വാസമാണ് അവന്ന് അനുകൂലമായ ഒരു കാര്യം. ബലഹീനനാണെങ്കിലും, അവൻ ദൈവത്തിൽ നിന്നുള്ള അനുഗ്രഹം ലഭിപ്പാന് അതിയായി വാഞ്ചിച്ചു. യെശയ്യാവ് 41:14 ഇപ്രകാരം പറയുന്നു: “‘പുഴുവായ യാക്കോബേ, യിസ്രായേൽപരിഷയേ, ഭയപ്പെടേണ്ടാ; ഞാൻ നിന്നെ സഹായിക്കും എന്നു യഹോവ അരുളിച്ചെയ്യുന്നു; നിന്റെ വീണ്ടെടുപ്പുകാരൻ യിസ്രായേലിന്റെ പരിശുദ്ധൻ തന്നേ.” പുഴുക്കൾ ചെറുതും ദുർബലവും എളുപ്പത്തിൽ നശിപ്പിക്കുന്നതുമാണ്. തങ്ങളിൽത്തന്നെ, ഇസ്രായേൽ മക്കൾക്ക് അധികാരമോ മഹത്വമോ ഇല്ലായിരുന്നു. ആളുകൾ ഒരു പുഴുവിനെ ചവിട്ടിമെതിക്കുന്നതുപോലെ മറ്റ് രാജ്യങ്ങൾ അവരെ ചവിട്ടിമെതിച്ചിരുന്നു. എന്നാൽ ദൈവം തൻ്റെ ജനത്തിന് വിടുതൽ വാഗ്ദാനം ചെയ്യുന്നു, അവരുടെ ശത്രുക്കളിൽ നിന്നുള്ള സംരക്ഷണവും, ഒടുവില് വിജയവും. അതിന്റെ 10ാം വാക്യത്തില് “10 ഞാൻ നിന്നോടുകൂടെ ഉണ്ടു; ഭ്രമിച്ചുനോക്കേണ്ടാ, ഞാൻ നിന്റെ ദൈവം ആകുന്നു; ഞാൻ നിന്നെ ശക്തീകരിക്കും; ഞാൻ നിന്നെ സഹായിക്കും; എന്റെ നീതിയുള്ള വലങ്കൈകൊണ്ടു ഞാൻ നിന്നെ താങ്ങും,” (വാക്യം 10). ദൈവം അവരോടുകൂടെയുള്ളത് കൊണ്ട് യിസ്രായേലിൻ്റെ ശത്രുക്കൾ നശിപ്പിക്കപ്പെടും: “11 നിന്നോടു കോപിച്ചിരിക്കുന്ന എല്ലാവരും ലജ്ജിച്ചു അമ്പരന്നുപോകും; നിന്നോടു വിവാദിക്കുന്നവർ നശിച്ചു ഇല്ലാതെയാകും.” (വാക്യം 11). അവർ ബലഹീനതയുടെയും പ്രതിരോധമില്ലായ്മയുടെയും പ്രതിരൂപമാണെങ്കിലും, സർവ്വശക്തനായ ദൈവം അവരുടെ പക്ഷത്താണ് എന്ന വസ്തുത അവരെ വളരെ പ്രത്യേകതയുള്ളവരായി മാറ്റി.
തൻ്റെ ജീവിതം ഹ്രസ്വവും തിന്മ നിറഞ്ഞതുമാണെന്ന് അദ്ദേഹം വിശേഷിപ്പിച്ചെങ്കിലും, ഈ ദുർബലനും മർദനമേറ്റതുമായ മനുഷ്യന് ലോകത്തിലെ ഏറ്റവും വലിയ രാജാവിനെ അനുഗ്രഹിക്കാൻ കഴിഞ്ഞു എന്നത് കുറി കൊളേളണ്ട വസ്തുതയാണ്. എബ്രായർ 7:7-ൽ നാം വായിക്കുന്നു “7 ഉയർന്നവൻ താണവനെ അനുഗ്രഹിക്കുന്നു എന്നതിന്നു തർക്കം ഏതുമില്ലല്ലോ.”. യാക്കോബ് എങ്ങനെയാണ് മഹാനായ ഫറവോനേക്കാൾ വലിയവനായത്? ദൈവകൃപയാൽ. ദൈവകൃപ അവനെ തിരഞ്ഞെടുത്തു, വിശ്വാസത്താൽ അവനെ അനുഗ്രഹിച്ചു. ജേക്കബ് ജനിക്കുന്നതിന് മുമ്പ് തിരഞ്ഞെടുക്കപ്പെട്ടതാണ് – നമ്മുടെ തിരഞ്ഞെടുപ്പിൻ്റെ ചിത്രം നാമിവിടെ കാണുന്നു. യേശാവിൻ്റെ പ്രതികാരത്തെ ഭയന്ന് പദ്ദന്നരാമിലേക്ക് ഓടിപ്പോകുമ്പോള് അവന്ന് ദൈവത്തിൻ്റെ വാഗ്ദത്തം ലഭിച്ചു. ദൈവകോപത്തെ ഭയന്ന് പാപികൾ ആയിരിക്കുമ്പോൾ തന്നെ സുവിശേഷം വിശ്വസിക്കാനുള്ള വിളി നമുക്ക് ലഭിക്കുന്നു. നമ്മൾ ദൈവത്തിൽ നിന്നും മനുഷ്യനിൽ നിന്നും അകന്നിരിക്കുമ്പോഴാണ്, പലപ്പോഴും നിരാശയുടെ അടിത്തട്ടിൽ, നാം ദൈവകൃപയെ കണ്ടുമുട്ടുന്നത്. വിശ്വാസത്തിലൂടെയുള്ള കൃപയാൽ അവൻ ദൈവത്തിൻ്റെ വിശുദ്ധനായി തീര്ന്നു. ഇതാണ് സുവിശേഷം പറയുന്നത്. കൃപയാൽ, വിശ്വാസത്താൽ നാം രക്ഷിക്കപ്പെട്ടിരിക്കുന്നു. അതാണ് സുവിശേഷം.
നമ്മുടെ സ്വന്തം ബലഹീനതകളും തെറ്റുകളും മൂലമുണ്ടാകുന്ന പ്രതിസന്ധി ഘട്ടങ്ങളിൽ, നമ്മുടെ പ്രതിബദ്ധത പുതുക്കി, നമ്മെ രൂപാന്തരപ്പെടുത്തുവാനായി, ദൈവം നമ്മോട് ഇടപെടുന്നു. പാപം പെരുകിയിടത്ത് കൃപയും അത്യന്തം അധികമാകുന്നു. എന്നാൽ നാം താഴ്മയോടെ കർത്താവിനെ വിശ്വാസത്തിൽ അനുഗമിക്കുമ്പോൾ, നമുക്ക് അബ്രഹാമിൻ്റെ വാഗ്ദത്തം ലഭ്യമാകും, നമ്മുടെ തലമുറയ്ക്ക് നാമൊരു അനുഗ്രഹമായി മാറും. അത് നമ്മുടെ ബലഹീനതകൾ കൊണ്ടല്ല മറിച്ച് നമ്മുടെ ബലഹീനത കണക്കിടാതെ ദൈവം നമുക്ക് നല്കുന്നതാണ്. ദൈവം നമുക്കു വാഗ്ദത്തം ചെയ്തിരിക്കുന്നതു പിടിച്ചുപറ്റാനുള്ള നമ്മുടെ ശ്രമങ്ങൾക്കിടയിലും അവന് നമ്മോട് ദയ കാണിക്കുന്നു.
നമ്മുടെ ക്രിസ്തീയ ജീവിതം നാം സ്വയം രൂപപ്പെടുത്തിയതല്ല. അത് എല്ലായ്പ്പോഴും ദൈവത്തിൽ നിന്നും അവനിലൂടെയും അവനിലേക്ക് ഉള്ളതാണ്. നമ്മുടെ വിശ്വാസത്തിന്റെ നായകനും, പൂർത്തിയാക്കുന്നവനും അവൻ മാത്രമാണ്. അവന്ന് എന്നെന്നേക്കും മഹത്വം.
ഒരു പഴയ കവിതയിലെ ഏതാനും വരികൾ മനസ്സിൽ തെളിഞ്ഞു വരുന്നു
“ഞാന് ആശിച്ചതിലും യേശുവേ നീയെത്ര നല്ലവന്;
എന് സര്വ്വ ഭീതിയിലും അത്താണിയായവന്
എന് ബലഹീന ശ്രമങ്ങലളാലൊരു മികവുള്ള പാലവും,
നിര്മ്മിച്ചു താന് എന് കണ്ണീരിനാലൊരു വര്ണ്ണരാജിയും.
Post a comment